Friday, November 30, 2018

శంకరార్పణం - 2861

**********************************************************************************************




శంకరాభరణం సమస్య - 2861

"పతి పాదార్చన కార్తికమ్మునఁ గడున్ భద్రమ్ముఁ జేకూర్చులే"






అతివా! నూతన భారతీయ మగువా! హాయిన్ విహారించవోయ్!

వెతలేలా మన సాఫ్టువేరు బ్రతుకుల్ వేధించు చుండంగనోయ్

మతిలేనట్టివి మాటలివ్వి గదవే  మర్యాద లేదేయిటన్: 

"పతి పాదార్చన కార్తికమ్మునఁ గడున్ భద్రమ్ముఁ జేకూర్చులే"!!!


"భారతీయ మగువ"...ఇంపైన దుష్టసమాసము.







(కంది శంకరయ్య గారి సౌజన్యంతో)

*************************************************************************************************************************************************

శంకరార్పణం - 2333

******************************************************************************************************




శంకరాభరణం సమస్య - 2333

"తప్పక సేయునట్టివగు తప్పు లగున్ గన ధర్మబద్ధముల్"






గొప్పగ జేరినావు కడు గోలను జేయుచు భాజపానురో!

తప్పని తోచ గానె కడు దబ్బున వీడుచు మోడివర్యునే

పప్పును బట్టినావు కడు పాపము లేదుర రాజకీయమే!

తప్పక సేయునట్టివగు తప్పు లగున్ గన ధర్మబద్ధముల్






(కంది శంకరయ్య గారి సౌజన్యంతో)


********************************************************************************************************************************************************

శంకరార్పణం - 2332

******************************************************************************************************



శంకరాభరణం సమస్య - 2332

"గొడుగును పాదరక్షలను గోరుట యొప్పునె మండుటెండలో"







నాదు మాట: 


నడువగ లేడు మానవుడు నడ్డిని వంచక బద్ధకమ్ముతో

పడుకొనుచుండి యుండునహ పక్కను వీడక మూడు పూటలున్

గడపను దాట లేడుకద కర్రను వీడక తాతగారిటన్

గొడుగును పాదరక్షలను గోరుట యొప్పునె మండుటెండలో?







(కంది శంకరయ్య గారి సౌజన్యంతో)

*********************************************************************************************************************************************************

శంకరార్పణం - 2331

**************************************************************************************************




శంకరాభరణం సమస్య - 2331

"వీచిన మందవాతమున వీఁగెను శైలము దూది భంగినిన్"






కూచొన మానసమ్మునను కోపము తాపము కుళ్ళు బుద్ధులున్

దాచిన కూడ దాగనివి దంభము దర్పము మత్సరమ్ములున్

తోచగ పారిపోవునుగ త్రుళ్ళుచు హృత్తున రామభక్తియే...

వీచిన మందవాతమున వీఁగెను శైలము దూది భంగినిన్


(పాఠాంతరం):

"సాయిభక్తియే" "దైవభక్తియే" వగైరా







(కంది శంకరయ్య గారి సౌజన్యంతో)


*****************************************************************************************************************************************************

శంకరార్పణం - 2330

**************************************************************************************************




శంకరాభరణం సమస్య - 2330

"జనకు డటంచు మోదమున జానకి పెండిలి యాడె రామునిన్" 






కనులకు కాటుకోయనగ కమ్మని రూపుని నీలవర్ణునిన్

ఘనముగ విల్లు ద్రుంచుచును కన్నెల హృత్తును దొంగిలించెడిన్  

వినయ విధేయ మొప్పెడిని విజ్ఞుని వాసిగ తెచ్చినాడు నా 

జనకు డటంచు మోదమున జానకి పెండిలి యాడె రామునిన్




 

(కంది శంకరయ్య గారి సౌజన్యంతో)


***************************************************************************************************************************************************

Thursday, November 29, 2018

శంకరార్పణం - 2860

*******************************************************************************************************








శంకరాభరణం సమస్య - 2860

"కాశ్మీరమ్మున నుగ్రవాద మొసఁగున్ గళ్యాణ మిద్ధాత్రికిన్"






కాశ్మీరమ్ముకు విట్టుబాబు చనుచున్ కవ్వించి నవ్వించగా 

దుశ్మన్ లెల్లరి పొట్టలుబ్బగను నాందోళన్ము క్షీణింపగా
  
సుశ్మాదేవిది నుర్దుభాష వినగా శుష్కించి చల్లారగా 

కాశ్మీరమ్మున నుగ్రవాద,... మొసఁగున్ గళ్యాణ మిద్ధాత్రికిన్






(కంది శంకరయ్య గారి సౌజన్యంతో)


*************************************************************************************************************************************************


శంకరార్పణం - 2329

***************************************************************************************************




శంకరాభరణం సమస్య - 2329

"రామునకున్ సహోదరి ధరాసుత సీత గదా తలంపగన్"






వేమును తించు చెప్పితివొ వెర్రితనంబున, లేదు లేదురా 

రామునకున్ సహోదరి;...ధరాసుత సీత గదా తలంపగన్

రాముని పెండ్లియాడుచును రావణు బందిగ లంకలోన, తా

గోముగ రాక్షసాధముని గొప్పగ నంపెను స్వర్గసీమకున్






(కంది శంకరయ్య గారి సౌజన్యంతో)


***************************************************************************************************************************************************

శంకరార్పణం - 2328

**************************************************************************************************





శంకరాభరణం సమస్య - 2328

"నీచదశస్థులై సతము నీల్గుచునుందురు సజ్జనుల్ భువిన్"





కాచుచు నున్నవారలకు కమ్మని బీరును వ్హిస్కి పోయుచున్

వేచుచు నున్నవారలకు వేగమె చేర్చు విమాన మిచ్చుచున్

దోచుచు బ్యాంకులన్నిటిని దూరపు దేశములుద్ధరించుచున్

నీచదశస్థులై సతము నీల్గుచునుందురు సజ్జనుల్ భువిన్





(కంది శంకరయ్య గారి సౌజన్యంతో)



********************************************************************************************************************************************************

శంకరార్పణం - 2325

*************************************************************************************************




శంకరాభరణం సమస్య - 2325

"నారద మౌనిముఖ్యునకు నల్వురు భార్య లతిప్రసన్నులున్"






వారము వారమున్ వడిగ భారిగ సాగుచు సర్వలోకముల్ 

కారణ జన్ముడై భళిగ కైటభవైరిని ప్రస్తుతించెడిన్ 

నారద మౌనిముఖ్యునకు నల్వురు భార్య లతిప్రసన్నులున్

గారవ రీతినిన్ వెలయు గానము భక్తియు జ్ఞానకల్హముల్






(కంది శంకరయ్య గారి సౌజన్యంతో)


*****************************************************************************************************************************************




శంకరార్పణం - 2324

*************************************************************************************************




శంకరాభరణం సమస్య - 2324

"తనయుఁడె తండ్రికిన్ దలను దన్మయ మొందుగ గీకె నవ్వుచున్"






కనునకు పాప గాపెరిగి కంటికి నందక పారిపోవుచున్

వనమున బుద్ధుడై వెలిగి వందన లొందుచు శాక్యమౌనిగా

జనమున వంద్యుడై తరల జాగృతి జేయగ జన్మభూమికిన్

తనయుఁడె తండ్రికిన్ దలను దన్మయ మొందుగ గీకె నవ్వుచున్







(కంది శంకరయ్య గారి సౌజన్యంతో)


**********************************************************************************************************************************************

Wednesday, November 28, 2018

శంకరార్పణం - 2323

************************************************************************************************




శంకరాభరణం సమస్య - 2323

"గరుడుని చూచినంత హరి గ్రక్కున మ్రొక్కె వినమ్రమూర్తియై"






బరువగు నీదు రెక్కలను బారెడు జాపగ మూర్ఛవచ్చెనే

తిరమగు నీదు చూపులును తీక్ష్ణపు గోరులు భీతిగొల్పెనే

చురుకగు నీదు ముక్కునహ చూడగ గుండియ లాగునంచు నా 

గరుడుని చూచినంత హరి గ్రక్కున మ్రొక్కె వినమ్రమూర్తియై


హరి = పాము







(కంది శంకరయ్య గారి సౌజన్యంతో)


*****************************************************************************************************************************************************



శంకరార్పణం - 2321

*************************************************************************************************




శంకరాభరణం సమస్య - 2321

"విషమును ద్రాగె మాధవుఁడు విందనుచున్ పరమానురక్తితోన్"






శషభిషలన్ని మానుచును శాస్త్రి ప్రభాకరుడెంచి కూర్చుచున్  

విషయములన్ని వ్రాయుచును వెన్నుని గాధలు మొండి జేయుచున్ 

కషయము వోలు కావ్యమును కైటభ వైరికి నంకితమ్మిడన్ 

విషమును ద్రాగె మాధవుఁడు విందనుచున్ పరమానురక్తితోన్






(కంది శంకరయ్య గారి సౌజన్యంతో)


**************************************************************************************************************************************************

శంకరార్పణం - 2319

*****************************************************************************************************



శంకరాభరణం సమస్య - 2319

"భక్తునిఁ బూజ సేయుటకు భారతి తానయి వచ్చె హంసపై"






భుక్తిని గోరుచున్ తెలుగు భూమిని వీడుచు పారిపోవగా

రక్తియె పద్యమందునను రమ్యపు రీతిని చుట్టుముట్టగా

శక్తియె లేక నేనిటను శంకరు కొల్వును జేరగానె నీ 

భక్తునిఁ బూజ సేయుటకు భారతి తానయి వచ్చె హంసపై...


భారతి = ఆంధ్ర భారతి నిఘంటు శోధన







(కంది శంకరయ్య గారి సౌజన్యంతో)


**************************************************************************************************************************************************




Tuesday, November 27, 2018

శంకరార్పణం - 2859

*************************************************************************************************




శంకరాభరణం సమస్య - 2859

"చన్నులు లేని యావులు బ్రసన్నతఁ బాల నొసంగె బానెడున్"






వచ్చె వచ్చె నెన్నికలు:👇


కన్నుల పంట పండగను కానగ రాని  కరెంటు కోతలో

పన్నుగ హైద్రబాదునను భళ్ళున పారెడి మెట్రొరైలుతో

మిన్నగ చంద్రశేఖరుని  మీసము లెత్తిన భాగ్యనగ్రిలో

చన్నులు లేని యావులు బ్రసన్నతఁ బాల నొసంగె బానెడున్


(మీసములు, చన్నులు, ఊహ్యములే)






(కంది శంకరయ్య గారి సౌజన్యంతో)


********************************************************************************************************************************************************

శంకరార్పణం - 2318

**********************************************************************************************




శంకరాభరణం సమస్య - 2318

"అమృతముఁ గ్రోలినంత సుర లక్కట రాక్షసులై చరించిరే"






అమృతము గ్రోలి యింద్రుడు నహల్యను రాతిగ మార్చలేదొకో?

కమలిన దుష్ట బుద్ధిగొని కర్ణుని చావుకు మూలమాయెనే!

కుములుచు గాధి పట్టి గని కూర్మికి మేనక నంపలేదొకో?

అమృతముఁ గ్రోలినంత సుర లక్కట రాక్షసులై చరించిరే!






(కంది శంకరయ్య గారి సౌజన్యంతో)


************************************************************************************************************************************************


శంకరార్పణం - 2317

*************************************************************************************************




శంకరాభరణం సమస్య - 2317

"నరకం బందును మానవుండు "వరదా! నారాయణా!" యన్నచో"






పోపాయణం:👇


కరముల్ మోడుచు గొంతులెత్తుచును హా! కాపాడు మమ్మోయనన్ 

వరముల్ నిచ్చుచు జీససుండు మనలన్ స్వర్గమ్ము చేర్పించడే!

త్వరగా రండిటు రామ భక్తులును భల్! తండోప తండాలుగా!

నరకం బందును మానవుండు "వరదా! నారాయణా!" యన్నచో!






(కంది శంకరయ్య గారి సౌజన్యంతో)

******************************************************************************************************************************************************

శంకరార్పణం - 2316

*****************************************************************************************************




శంకరాభరణం సమస్య - 2316

"భార్యను గాంచినట్టి పతి పర్వులు వెట్టెను భీతచిత్తుఁడై"






సూర్యుడు లేవకుండగనె స్రుక్కుచు సోలుచు నిద్రలేచుచున్ 

కార్యము లందునన్ విరివి కక్షగ దక్షత నాస్వదించుచున్ 

మిర్యపు చారునున్ వడిగ మిక్కిలి శ్రద్ధను నిచ్చుచుండెడిన్ 

భార్యను గాంచినట్టి పతి పర్వులు వెట్టెను భీతచిత్తుఁడై :)






(కంది శంకరయ్య గారి సౌజన్యంతో)


***************************************************************************************************************************************************



శంకరార్పణం - 2316

******************************************************************************************************




శంకరాభరణం సమస్య - 2316

"పరుల హితంబుఁ గోరెడి కృపామయుఁడే పతితుండు నాఁ దగున్"






అరువుల నిచ్చుచున్ వడిగ నర్వది శాతపు చక్రవడ్డికిన్

కరువున కర్షకాదులను కావక నిండ్లను కొల్లగొట్టుచున్

బరువుగ దోచి భాగ్యముల భారత వాసుల వల్లకాటి కా

పరుల హితంబుఁ గోరెడి కృపామయుఁడే పతితుండు నాఁ దగున్






(కంది శంకరయ్య గారి సౌజన్యంతో)


************************************************************************************************************************************************