శంకరార్పణం - 3531

 ******************************************************************************************************

శంకరాభరణం సమస్య - 3532

“స్త్రీలకు మ్రొక్కినన్ ధనము శ్రేయము గల్గి సుఖింతు రెల్లరున్”

వేలము వెఱ్ఱిగన్ తనరి వెంగళి యప్పలు చీట్లపేకలన్

నేలను కూలకే నగుచు నేరుపు మీరగ ముత్తుకూరునన్

నాలుగు గోడలన్ నిలిపి నాలుగు లక్షల కిల్లునిచ్చు మే

స్త్రీలకు మ్రొక్కినన్ ధనము శ్రేయము గల్గి సుఖింతు రెల్లరున్...

(కంది శంకరయ్య గారి సౌజన్యంతో)

**************************************************************************************************************************************************

శంకరార్పణం - 3531

 *********************************************************************************************************

శంకరాభరణం సమస్య - 3532

“స్త్రీలకు మ్రొక్కినన్ ధనము శ్రేయము గల్గి సుఖింతు రెల్లరున్”

నేలను నింగినిన్ భళిగ నేరుపు మీరగ మేళవించుచున్

వాలము నోటినిన్ గనక వాగుచు నుండగ నెన్నికందునన్

కాలము మారిపోయినది కాంతలు చేరగ మంత్రివర్గమున్

స్త్రీలకు మ్రొక్కినన్ ధనము శ్రేయము గల్గి సుఖింతు రెల్లరున్...

(కంది శంకరయ్య గారి సౌజన్యంతో)

*************************************************************************************************

శంకరార్పణం - 3531

 *******************************************************************************************************

శంకరాభరణం సమస్య - 3531

"కవివరుఁడంచు గీర్తిఁగనుఁగాదె గణమ్ములు భంగమైనచో"

కవికిని కాకికిన్ కడకు గాఢపు భేదము కానజాలకే

చవిగొని పూలమాలలను చక్కగ కూర్చి వధానమందునన్

చవటలు చేరి మెచ్చగను చాకలి వీధిని ముత్తుకూరునన్

"కవివరుఁడంచు గీర్తిఁగనుఁగాదె గణమ్ములు భంగమైనచో"

(కంది శంకరయ్య గారి సౌజన్యంతో)

************************************************************************************************

శంకరార్పణం - 3531

 ***************************************************************************************************

శంకరాభరణం సమస్య - 3531

"కవివరుఁడంచు గీర్తిఁగనుఁగాదె గణమ్ములు భంగమైనచో"

కువలయ మందునన్ గనని కుచ్చిత బుద్ధులు గైకొనిన్ మదిన్

నవనవలాడు రీతులను నవ్వులు చిమ్ముచు రాజకీయమున్

పవలును రేయినిన్ తనరి పల్కగ చిల్లర పూరణాలిటన్

“కవివరుఁడంచుఁ గీర్తిఁ గనుఁ గాదె గణమ్ములు భంగమైనచో”

(కంది శంకరయ్య గారి సౌజన్యంతో)

*****************************************************************************************************

శంకరార్పణం - 3530

 *****************************************************************************************************

శంకరాభరణం సమస్య - 3530

“గాండ్రించెన్ శునకంబు గాడిద వలెన్ గర్వమ్ముతో బిట్టుగన్”

పుండ్రమ్మున్ సరిదిద్దుచున్ ముఖమునన్ పోట్లాటకై పోవుచున్

పండ్రెండున్ సరి చేరగా గడియెలే  పంజాబు పట్నమ్మునన్

తీండ్రించంగను భానుడే గగనమున్ దిక్కున్ వడిన్ తోచకే

గాండ్రించెన్ శునకంబు గాడిద వలెన్ గర్వమ్ముతో బిట్టుగన్...

(కంది శంకరయ్య గారి సౌజన్యంతో)

*****************************************************************************************************************************************************

శంకరార్పణం - 3530

 ************************************************************************************************************

శంకరాభరణం సమస్య - 3530

“గాండ్రించెన్ శునకంబు గాడిద వలెన్ గర్వమ్ముతో బిట్టుగన్”

గుండ్రమ్మాయెను గుండునాది యనుచున్ క్రుద్ధుండునై యెన్నికన్

మండ్రాటమ్మును నోర్వలేక కసిగా మర్యాదనున్ వీడుచున్

తండ్రిన్ మించిన స్ఫూర్తినిన్ గొనుచహో ధారాళమౌ తీరునన్

గాండ్రించెన్ శునకంబు గాడిద వలెన్ గర్వమ్ముతో బిట్టుగన్...

(కంది శంకరయ్య గారి సౌజన్యంతో)

**********************************************************************************************************************************************************

శంకరార్పణం - 3529

 ******************************************************************************************************

శంకరాభరణం సమస్య - 3529

*“రామాయణ కల్పవృక్షమునకున్ ప్రఖ్యాతి యేమున్నదో”*

(ఛందో గోపనము)

ఘోరంబయ్యెడి మాటలన్ పలుకుచున్ కొండాడకే బ్రాహ్మలన్

తీరున్ తెన్నును లేని రాష్ట్రముననున్ దేదీప్యమానమ్ముగన్...

ధీరోదాత్తుడ రామసామి ద్రవిడా! తియ్యంగ బోధింతు! రా

రా! “రామాయణ కల్పవృక్షమునకున్ ప్రఖ్యాతి యేమున్నదో”...

రామసామి = పెరియార్ రామసామి నాయకర్

(కంది శంకరయ్య గారి సౌజన్యంతో)

************************************************************************************************************************************************************

శంకరార్పణం - 3529

 *****************************************************************************************************

శంకరాభరణం సమస్య - 3529

*“రామాయణ కల్పవృక్షమునకున్ ప్రఖ్యాతి యేమున్నదో”*

(ఛందో గోపనము)

పోరంబోకును దున్నుచున్ మురియుచున్ పోట్లాడి కాట్లాడుచున్

వీరావేశము హెచ్చగా కుడువగన్ బీరున్ మరిన్ విస్కినిన్

ప్రారబ్ధమ్మున నిట్లు పల్కితివిరో పాపాల రాయుండ! ఔ

రా! “రామాయణ కల్పవృక్షమునకున్ ప్రఖ్యాతి యేమున్నదో”...

(కంది శంకరయ్య గారి సౌజన్యంతో)

******************************************************************************************************

శంకరార్పణం - 3528

 *******************************************************************************************************

శంకరాభరణం సమస్య - 3528

"వెలఁదికి ఫాలభాగమున వేవెలుఁ గొప్పెను దివ్యకాంతులన్"

1950:

కులుకుచు ముత్తుకూరునను కూరిమి మీరగ నీలవేయుచున్

తలుపులు తీసి వంటగది దాపున బొగ్గుల మూట విప్పుచున్

కులసతి లేచి వేకువను కుంపటి రాజిల కాఫికోసమై

వెలఁదికి ఫాలభాగమున వేవెలుఁ గొప్పెను దివ్యకాంతులన్....

(కంది శంకరయ్య గారి సౌజన్యంతో)

*****************************************************************************************************

శంకరార్పణం - 3528

 **************************************************************************************************

శంకరాభరణం సమస్య - 3528

"వెలఁదికి ఫాలభాగమున వేవెలుఁ గొప్పెను దివ్యకాంతులన్"

వెలుగులు చిమ్మగా నచట వేడుక మీరగ వంగభూమినిన్

తలుపులు తీసి బైటపడి తన్మయ మొందుచు డార్జిలింగునన్

పలువురు చూడగా తనరి భళ్ళున ప్రొద్దున వెండికొండయౌ

వెలఁదికి ఫాలభాగమున వేవెలుఁ గొప్పెను దివ్యకాంతులన్...

వెండికొండ = కాంచన్ జంగ

(కంది శంకరయ్య గారి సౌజన్యంతో)

***************************************************************************************************

శంకరార్పణం - 3527

 ********************************************************************************************************

శంకరాభరణం సమస్య - 3527

“భారత యుద్ధరంగమునఁ బార్థుఁడు పొందెఁ బరాజయమ్మయో”

మీరిన గర్వమందహహ మెండుగ కోతలు కోయుచున్ కడన్

తీరుగ వెండి జుత్తుగల ధీరుడు తాతను పెక్కురోజులన్

పోరను లేక;...సారథియె బోరును సైచక నేల దూకగన్;...

భారత యుద్ధరంగమునఁ బార్థుఁడు పొందెఁ బరాజయమ్మయో...

(కంది శంకరయ్య గారి సౌజన్యంతో)

*****************************************************************************************************************************************************

శంకరార్పణం - 3527

 ******************************************************************************************************

శంకరాభరణం సమస్య - 3527

“భారత యుద్ధరంగమునఁ బార్థుఁడు పొందెఁ బరాజయమ్మయో”

దూరమునుండి జూచి తన తుంటరి బంధుల సైన్యవాహినిన్

గారము మీరగా నచట కౌరవ పక్షపు గుర్వులందునన్

పోరను పోరనంచు భళి పొందుగ ప్లేటును త్రిప్పివేయగన్

భారత యుద్ధరంగమునఁ బార్థుఁడు పొందెఁ బరాజయమ్మయో...

(కంది శంకరయ్య గారి సౌజన్యంతో)

*************************************************************************************************

శంకరార్పణం - 3526

 ******************************************************************************************************

శంకరాభరణం సమస్య - 3526

“సాయిని దైవమం చనుట సత్యము గాదని యండ్రు సజ్జనుల్”

సాయిని గొల్చుచున్ విధిగ చంకలు గొట్టుచు దొంగచాటునన్

చేయుచు గంజ వర్తకము చెప్పుచు దండిగ రంగనీతులన్

తీయగ జైలుజేరగను తిట్టకు మూర్ఖుడ!;...యేడ్చి యివ్విధిన్:

“సాయిని దైవమంచనుట సత్యము గాదని”;...యండ్రు సజ్జనుల్

(కంది శంకరయ్య గారి సౌజన్యంతో)

********************************************************************************************************

శంకరార్పణం - 3526

 *****************************************************************************************************

శంకరాభరణం సమస్య - 3526

“సాయిని దైవమం చనుట సత్యము గాదని యండ్రు సజ్జనుల్”

చేయుచు పుణ్యకార్యములు చెంతను చేర్చుచు ధర్మపత్నినిన్

మూయుచు కొట్టు ద్వారములు ముద్దుగ పోవగ తీర్థయాత్రలన్

హాయిగ షిర్దినిన్ వెడలి హ్లాదమునొందగ రూఢియౌనహో:

“సాయిని దైవమం చనుటసత్యము గాదని యండ్రు సజ్జనుల్”

(దైవమంచనుట + అసత్యము)

(కంది శంకరయ్య గారి సౌజన్యంతో)

*************************************************************************************************************************************************

శంకరార్పణం - 3525

 *******************************************************************************************************

శంకరాభరణం సమస్య - 3525

“దసరా పండుగ నాటి పెక్కు సరదాల్ దప్పెన్ గదా దైవమా”

ముసుగున్ మూయగ ముక్కునున్ ముఖమునున్ మూర్ఖంపు వైనమ్మునున్

కుసుమాలందు సువాసనల్ కనుచు భల్ కొండాడగన్ జాలకే

విసుగున్ జెందుచు హైద్రబాదు వరదన్ వీక్షించగా టీవినిన్

దసరా పండుగ నాటి పెక్కు సరదాల్ దప్పెన్ గదా దైవమా...

(కంది శంకరయ్య గారి సౌజన్యంతో)

******************************************************************************************************

శంకరార్పణం - 3525 Yahoo / Inbox

 ********************************************************************************************************************

శంకరాభరణం సమస్య - 3525

“దసరా పండుగ నాటి పెక్కు సరదాల్ దప్పెన్ గదా దైవమా”

విసుగున్ జెందుచు నింటిలోన పడగన్ బీభత్సమౌ వ్యాధినిన్

కసరంగా మన తాతలవ్వలిచటన్ కంపమ్మునన్ తిట్టుచున్

నసగంగామన పిల్లలే విసుగునన్ నందమ్ము కోల్పోవుచున్

దసరా పండుగ నాటి పెక్కు సరదాల్ దప్పెన్ గదా దైవమా...

(కంది శంకరయ్య గారి సౌజన్యంతో)

******************************************************************************************************

దత్తపది - 173

 ****************************************************************************************************

దత్తపది - 173

24-10-2020 (శనివారం)

కవిమిత్రులారా,

దుర్గాష్టమి శుభాకాంక్షలు!

“మాద్రి – కైక – రాధ – రుద్రమ”

పై పదాలను అన్యార్థంలో ప్రయోగిస్తూ మీ కిష్టమైన ఛందంలో దుర్గాదేవిని స్తుతిస్తూ

పద్యం వ్రాయండి.

**************************************************************

ఒక రాత్రిన్ కడు రాధనమ్ము గొనుచున్ హుగ్లీనదీ తీరమం

దొక కైకట్టున రుద్రమౌ పురమునన్ హుందాగనీ మాద్రిగన్

నికటంబందున దీదికిన్ కలుగగన్ నిర్వాణమీ యెన్నికన్

ప్రకటింపంగను నోటమిన్ కొలిచెదన్ వంగమ్మునన్ దుర్గమా!

రాధనము = సంతోషము

కైకట్టు = సందర్భము

రుద్రమౌ = భయంకరమౌ

మాద్రి = మాదిరి

(ఆంధ్రభారతి)

(కంది శంకరయ్య గారి సౌజన్యంతో)

***************************************************************************************************************************

---

సరదా శంకరాభరణం

 ******************************************************************************************************

సరదా శంకరాభరణం:

భరణమ్మించుక కోరకే వడివడిన్ పద్యమ్ములన్ వ్రాయుటన్

కరుణన్ నేర్పగ కంది శంకరులహో గాఢమ్ముగా ప్రేమనున్

తరుణమ్మిప్పుడె చేరుడీ తనరుచున్ తాదాత్మ్యమున్ జెందగా

శరణం పండిత మానసాపహరణం శశ్వద్యశఃకారణం....

హరణం పాపములన్నిటిన్ హృదయమున్  హైరాణనున్ జేసెడిన్

మరణాద్పూర్వము గ్రోలగన్ సుఖదదౌ మాహాత్మ్యమున్ శీఘ్రమున్

చరణం స్వర్గపు ధామమున్ చెలగుచున్ శాస్త్రీయమౌ పద్ధతిన్

శరణం పండిత మానసాపహరణం శశ్వద్యశఃకారణం....

కరణమ్ముల్ మరి బ్రాహ్మణుల్ హరిజనుల్ కాయస్థులున్ వర్తకుల్

హరిణమ్ముల్ మరి వ్యాఘ్రముల్ గజములున్ హ్లాదమ్ముగా నశ్వముల్

ధరణీపాలురు మంత్రులున్ భటులునున్ ధర్మాత్ములున్ కూడగన్

శరణం పండిత మానసాపహరణం శశ్వద్యశఃకారణం...

*****************************************************************************************************

పద్య ప్రభంజనం

 ******************************************************************************************************

స్వామి రమణ!

చిన్ననాటి నుండి చీత్కారములు సైచి 

క్రుళ్ళుచుండ నేను, కూర్మి మీర 

నన్ను చేరదీసి నాకు సాంత్వనమీయ 

సన్నుతింతు నిన్ను స్వామి రమణ! 

పోరు బెట్టి మిగుల పోట్లాడి కాట్లాడి 

దాడిలోన తుదకు నోడిపోవ 

నన్ను చేరదీసి నాకు బుద్ధిగఱప 

సన్నుతింతు నిన్ను స్వామి రమణ!

పేరు ప్రతిభ కొఱకు వేసారి వేగుచు 

చింతజేసి నేను వంతనొంద 

నన్ను చేరదీసి నాలోన నిలువగ 

సన్నుతింతు నిన్ను స్వామి రమణ!

యశము ధనము చేర్చి హాయిని కూర్చుండి  

చితిని జూచి కడకు చితికి పోవ 

నన్ను చేరదీసి నాకు సుధనిడగ 

సన్నుతింతు నిన్ను స్వామి రమణ!

**********************************************************************************************************************************************

శంకరార్పణం - 3524

 *********************************************************************************************************

శంకరాభరణం సమస్య - 3524

"సర్వజ్ఞత్వము గూగు లందఁగలదే శాస్త్రీ విచారించినన్"

నిర్వాకమ్మును జేయుచున్ మురియుచున్ నిక్కంపు జాలమ్మునున్

సర్వమ్మిందున కూడియున్నదనుచున్ జంబమ్మునన్ ప్రేలుచున్

పుర్వుల్ పట్టును పుస్తకాలకనుచున్ పూజింపగన్ ఫోనులన్

సర్వజ్ఞత్వము గూగు లందఁగలదే శాస్త్రీ విచారించినన్....

(కంది శంకరయ్య గారి సౌజన్యంతో)

*******************************************************************************************************************************************************

శంకరార్పణం - 3524

 *******************************************************************************************************

శంకరాభరణం సమస్య - 3524

"సర్వజ్ఞత్వము గూగు లందఁగలదే శాస్త్రీ విచారించినన్"

పర్వమ్మాయెను జాలమే యమరగన్ భద్రమ్ముగానంచు భల్

సర్వంబున్ విడి నాట్యమాడుచునహో స్వర్గమ్మిదేయంచు వే

గర్వమ్మొందుచు పల్కుచున్ తనరుచున్ గ్రంథమ్ములన్ దూఱగన్

సర్వజ్ఞత్వము గూగు లందఁగలదే శాస్త్రీ విచారించినన్...

(కంది శంకరయ్య గారి సౌజన్యంతో)

******************************************************************************************************************************************************

శంకరార్పణం - 3523

 ****************************************************************************************************

శంకరాభరణం సమస్య - 3523

“పులులున్ మేకలు నొక్క రేవున జలమ్ముం ద్రాగు వీక్షింపుమా”

తలపుల్ రేగగ మన్మధుండు చెలగన్ దయ్యమ్మునున్ బోలుచున్

నిలువన్ జాలక గంతులేయుచునయో నెయ్యమ్ము కయ్యంబులన్

వలపుల్ మీరగ చీని నాయకుడహో బంధించబో కౌగిలిన్

పులులున్ మేకలు నొక్క రేవున జలమ్ముం ద్రాగు వీక్షింపుమా!...

(కంది శంకరయ్య గారి సౌజన్యంతో)

******************************************************************************************************************************************************

శంకరార్పణం - 3523

******************************************************************************************************

       శంకరాభరణం సమస్య - 3523

“పులులున్ మేకలు నొక్క రేవున జలమ్ముం ద్రాగు వీక్షింపుమా”

కలుగన్ భీతియె మానసమ్మునయయో గంభీరమౌ రీతినిన్

తలలన్ దాచగ తావు లేక వడిగా తైతక్కలాడించుచున్

చెలగన్ మోడి ప్రచారమందు తనరన్, చేదోడు వాదోడుగా

పులులున్ మేకలు నొక్క రేవున జలమ్ముం ద్రాగు వీక్షింపుమా!...

(కంది శంకరయ్య గారి సౌజన్యంతో)

************************************************************************************************************************************************************

శంకరార్పణం - 3522

 ********************************************************************************************************

శంకరాభరణం సమస్య - 3522

“వ్రాసిన సత్కవీశ్వరునిఁ బట్టి యొనర్చెద శృంగభంగమున్”

కోసియు నాల్కనున్ తనరి కూర్చగ  సంధుల క్త్వార్థకమ్ములన్

మూసియు నోటినిన్ వడిగ మూఢుడు తీర్చగ జంటపొల్లులన్

రోసి యఖండపున్ యతుల రుద్దుచు ముక్కును నేలమీద తా

వ్రాసిన సత్కవీశ్వరునిఁ బట్టి యొనర్చెద శృంగభంగమున్...

(కంది శంకరయ్య గారి సౌజన్యంతో)

********************************************************************************************************************************************

శంకరార్పణం - 3522

 **********************************************************************************************************

శంకరాభరణం సమస్య - 3522

“వ్రాసిన సత్కవీశ్వరునిఁ బట్టి యొనర్చెద శృంగభంగమున్”

పూసలు గ్రుచ్చి చెప్పుచును పూర్తిగ కల్లలు రాజనీతినిన్

మోసము జేయుచున్ ప్రజల ముద్దుగ పల్కుచు సంస్కృతమ్మునన్

కాసిని నేర్చి మాటలను కందము లందున తప్పిదమ్ములన్

వ్రాసిన సత్కవీశ్వరునిఁ బట్టి యొనర్చెద శృంగభంగమున్...

(కంది శంకరయ్య గారి సౌజన్యంతో)

*************************************************************************************************************************************************

శంకరార్పణం - 3521

 **************************************************************************************************

శంకరాభరణం సమస్య - 3521

“భీముఁడు రావణాసురుని బిడ్డను బెండిలియాడెఁ బ్రీతిమై”

వేములవాడ నెన్నికను వెఱ్ఱిగ జేయు ప్రచారమందునన్

తామస రీతి త్రాగగను దండిగ విస్కిని తూలిపోవుచున్

గోముగ పల్కెనాదటను కొండొక నేతయె నవ్వి యివ్విధిన్:

“భీముఁడు రావణాసురుని బిడ్డను బెండిలియాడెఁ బ్రీతిమై”

(కంది శంకరయ్య గారి సౌజన్యంతో)

******************************************************************************************************************************************************

శంకరార్పణం - 3521

 ******************************************************************************************************

శంకరాభరణం సమస్య - 3521

“భీముఁడు రావణాసురుని బిడ్డను బెండిలియాడెఁ బ్రీతిమై”

దోమలగూడ నందునను తొమ్మిది రోజుల పర్వమందునన్

భీముని పాత్రనాడుటను భీతిని జెందుచు సమ్మతించగన్

గోముగ స్వప్నమందునను గొప్పగ కాయము పుల్కరించగా

భీముఁడు రావణాసురుని బిడ్డను బెండిలియాడెఁ బ్రీతిమై....

(కంది శంకరయ్య గారి సౌజన్యంతో)

****************************************************************************************************

శంకరార్పణం - 3520

 *******************************************************************************************************

శంకరాభరణం సమస్య - 3520

“చెప్పును దీసి కొట్టినది చెల్లి తటాలున నన్న మెచ్చఁగన్”

గొప్పగ సోదరుండు భళి కూరిమి మీరగ కండ్లు మూయుచున్

త్రిప్పుచు మాలనున్ వడిగ తిండికి ముందర పూజచేయగన్

మెప్పును పొందగోరి తన మీదకు ప్రాకెడు వృశ్చికమ్మునున్

చెప్పును దీసి కొట్టినది చెల్లి తటాలున నన్న మెచ్చఁగన్...

(కంది శంకరయ్య గారి సౌజన్యంతో)

*****************************************************************************************************

శంకరార్పణం - 3520

 *************************************************************************************************************

శంకరాభరణం సమస్య - 3520

“చెప్పును దీసి కొట్టినది చెల్లి తటాలున నన్న మెచ్చఁగన్”

గొప్పలు చెప్పుచున్ తనరి కొండొక శాస్త్రియె హైద్రబాదునన్

కుప్పలు కుప్పలందు; కడు కూరిమి మీరగ త్రిప్పి మీసమున్;

తప్పులు జేయగా తరచు దబ్బున నవ్వుచు పూరణమ్ములన్

చెప్పును దీసి కొట్టినది చెల్లి తటాలున నన్న మెచ్చఁగన్...

(కంది శంకరయ్య గారి సౌజన్యంతో)

**************************************************************************************************

శంకరార్పణం - 3519

 ********************************************************************************************************

శంకరాభరణం సమస్య - 3519

"సౌరులు దప్పి చిట్టివలసన్ ధనదుండయొ కట్టె లమ్మెరా"

కోరగ నాంధ్రదేశమున కొండొక నేతయె వోట్లకోసమై

జోరుగ నప్పులన్ పనిచి చోరుల కెల్లను దేవళమ్ములన్

తూరుపు దిక్కునన్ తిరిగి తుంబుర నారద కీర్తనమ్ములన్

సౌరులు దప్పి చిట్టివలసన్ ధనదుండయొ కట్టె లమ్మెరా...

(కంది శంకరయ్య గారి సౌజన్యంతో)

*******************************************************************************************************

శంకరార్పణం - 3519

 ********************************************************************************************************

శంకరాభరణం సమస్య - 3519

"సౌరులు దప్పి చిట్టివలసన్ ధనదుండయొ కట్టె లమ్మెరా"

కారుల నందునన్ తిరిగి గట్టిగ కోతలు కోసి యాదటన్

పోరుచు నెన్నికల్ తనరి పొందుగ దుడ్డును పంచ పూర్తిగా

కారగ కండ్లనున్ జలము కంపము నొందుచు నోడిపోవగన్

సౌరులు దప్పి చిట్టివలసన్ ధనదుండయొ కట్టె లమ్మెరా...

(కంది శంకరయ్య గారి సౌజన్యంతో)

***************************************************************************************************

శంకరార్పణం - 3518

 ***************************************************************************************************

శంకరాభరణం సమస్య - 3518

“గన్నున్ గైకొని యెక్కుపెట్టె సుతుఁడే కన్నట్టి యా తండ్రిపై”

చెన్నై పట్టణమందునన్ పెరుగుచున్ చిన్నారి వీరప్పగన్

కన్నున్ గొట్టుచు చెల్లికిన్ ముదమునన్ కాట్లాడి పోట్లాడమన్

పన్నాగంబును చేసి దాగి వెనుకన్ పైకెత్తి దీపావళిన్

గన్నున్ గైకొని యెక్కుపెట్టె సుతుఁడే కన్నట్టి యా తండ్రిపై...

(కంది శంకరయ్య గారి సౌజన్యంతో)

***************************************************************************************************