***************************************************************************************************
శంకరాభరణం సమస్య - 3387
"భార్యనుఁ జంపి పొందవలె వార వరానన నిత్యసౌఖ్యమున్"
వీర్యము హెచ్చెనో సఖుడ! బింకము మీరెనొ వానకాలమున్
కార్యము కర్మ గానకయె గండర గండుని వోలె పల్కితే!
సూర్యుడు రాత్రి పుట్టగనె చూడగ వచ్చును సత్యమిందునన్:
"భార్యనుఁ జంపి పొందవలె వార వరానన నిత్యసౌఖ్యమున్"
*******************************************************************************************************************************************
ఆర్యుల నీతినిన్ విడిచి హ్లాదము నొంది గుడుంబ గ్రోలుచున్
శౌర్యము జూపగా ఖలుడ! శంకను వీడుచు మిత్రమండలిన్
ధైర్యము జేసి పోవగను తప్పక రౌరవ వాసమందునన్
భార్యనుఁ జంపి పొందవలె వార వరానన నిత్యసౌఖ్యమున్
(కంది శంకరయ్య గారి సౌజన్యంతో)
**************************************************************************************************************************************************
No comments:
Post a Comment