శంకరార్పణం - 1129

***********************************************************************************************************

శంకరాభరణం పద్య రచన - 1129

“ఇందుఁ గలఁ డందు లేఁడను

సందేహము వలదు చక్రి సర్వోపగతుం

డెందెందు వెదకి చూచిన

నందందే కలఁడు దానవాగ్రణి వింటే!”

పై పద్యభావాన్ని మీకు నచ్చిన ఛందస్సులో వ్రాయండి.

మన్నున కొండలందు సిరి మామిడి తోపుల కోయిలందునన్

 

పన్నుగ సూర్యునందు విరి వన్నెల మబ్బుల వానవిల్లునన్ 

కన్నుల యందునన్ పడుచు కాంతల వృద్ధుల హృత్తులందునన్  

చెన్నుగ కన్న వారికిల శ్రీపతి దాగును రాక్షసోత్తమా!

(కంది శంకరయ్య గారి సౌజన్యంతో)

**************************************************************************************************************************************************